Sore sore Lilik marani Yus. Lilik kepingin sepedhae onok unine, koyok suara ringtone HP. “Tapi ojok sing mbenging koyok bakul puthu. Sing liyane” jareLilik. Sajane Yus judheg ngaraskno Lilik. Kepingine duwe barang ,esti sing seje. Tapi jenenge sa'alumni opo maneh wis suwi gak ketemu, Yus nggolekna suara sing enak dirungokna. ”Koen iku numpak sepedha kok koyok nyekel HP. Iyo lek HP onok ringtone, lha iki sepedha kok njaluk ringtone,” jare Yus
Lilik gak ngreken. “Pokoke sepedha motorku isok nggarai wong-wong noleh, tertarik karo suarane" jare Lilik kemalan.
Yus njaluk tulung Goes Is sing ahli ringtone. Rong ndina, Goes Is nang omahe Lilik, masang ringtone sepedhamotor. Sorene, Yus ditelpon Lilik. Arek iku murang-muring. “Mosok ringtone sepedhaku koyok ngene se, Yus,” jare Lilik.
”Wah, Goes Is mesthi gak beres. Se, tak nang omahmu,” jare Tiwok. Arek iku ngajak Goes Is. Bareng Lilik njajal sepedhamotore, Yus kuaget. Ringtone sepedhae Lilik onok loro: susu murni nasional. Ringtone sitoke: chik yen, chik yen bakpao yang asli.
”Jare sing isok nggarai wong ndhuk embong noleh,” jare Goes Is
”Iyo, tapi aku lak gak dodolan susu ambek bakpao!” jare Lilik sengit.
